Facebook Telegram Twitter Instagram YouTUBE


Baş saife  >  Derc  >  İlânlar  >  17 Saban ayı 2017, 11:03

Bugün, cuma künü, Çonğarda işğal etilgen Qırımğa yayınlaycaq telekommunikatsion qulle açılacaq

Bugün, cuma künü, Çonğarda işğal etilgen Qırımğa yayınlaycaq telekommunikatsion qulle açılacaq

Bu aqqında Ukrinform mühbirine Herson devlet vilâyet memurlığınıñ başlığı Andriy Ğordeyev haber etti.

“Mart 17-de işğal etilgen Qırımğa signal bergen 150*metrlıq qulleniñ açılışını keçiremiz”, - qayd etti Herson gubernetorı.

Açılışta Ukraina haber siyaseti Naziri Yuriy Stets, Ukraina vaqtınca işğal olunğan territoriyalar ve içki yerleşken şahıslar meselelerinden Nazir Vadım Çernış, teleradioyayınlav meselelerinden  Ukraina Milliy Şurasınıñ başlığı Yuriy Artemenko ve Herson devlet vilâyetiniñ başlığı Andriy Ğordeyev iştirak etecek.

Bundan soñ delegatsiya “Çonğar” kiriş-çıqış kontrol noqtasını ziyaret etecek, anda sıñır ve gümrük hızmetleriniñ temsilcilerinen berqaberlikte yaqın yerleşken territoriyalarnı, “servis zonasını” ve kiriş-çıqış kontrol noqtasını baqıp çıqacaqlar.

Televizion ve radioyayınlav meselelerinden Milliy Şura 2016 senesiniñ dekabr 27-de, Qırımğa yayınlaycaq dört radiostantsiyağa litsenziyalar berdi. Olar arasında Ukrain radiosı (cemaat yayınlavı), yerli Herson radiostantsiyası, qırımtatar “Meydan” radiosı, “Radio krımskıh gromad”.

Qırım territoriyasına 105,9 dalğasında FM-diapazonında “Qırım.Aqiqat” radiosınıñ yayınlavı içün “Radio krımskıh gromad” cemaat teşkilâtı aldı.

FM-diapazondaki yayınlav Qırımnıñ Canköy ve Krasnoperekopsk rayonlarını, qısmen – Aqmescit rayonunı qaplap alacaq.

 


Cedvel