Facebook Telegram Twitter Instagram YouTUBE


Baş saife  >  Derc  >  İlânlar  >  11 Qış ayı 2017, 13:12

HSN “Ukrayina v dzerkali Yaponiyi” leyhasını taqdim ete - dekabrniñ 16-da master-klass keçirilecek

Dekabrniñ 16-da (cumaertesi künü) saat 14.00-te Mıstetskıy arsenalda (Lavrska soq., 10-12) balalar içün “Ukrayina v dzerkali Yaponiyi” kitapnıñ temsil tedbiri ötkerilecek.

Kiriş goo.gl/qUKsD3 bağlantısı boyunca qayd etilüvden soñ bedava.

KHV qayd etilüvi dekabrniñ 15-nece saat 17.00-ge qadar [email protected] adressi boyunca.

Temsil tedbiri vaqtında yapon ve ukrain balaları içün ressamdan master-klass keçirilecek. Er kesni bizim tedbirimizni ziyaret etmege ve raatlıq kününi, medeniyetlerimizniñ hususiyetlerini ögrenerek, güzel müitte keçirmek içün davet etemiz. Tedbirde iştirak etüv içün Ukrainada Yaponiya yılını ozğanrağan devlet müessiselerinden birinci şahıslar balaları ile, ve Yaponiya Elçiliginiñ vekilleri davet etildi.  

Hatırlatamız, Ukraina haber siyaseti Nazirliginiñ sımarışına harkiv ressamı Mariya Ruban balalar içün bir sıra resimler yarattı, anda o, Yaponiya ve Ukrainanıñ ananeviy timsallerini teñeştirdi.

Bu leyha “Ukrayina v dzerkali Yaponiyi” adını taşiy. “Onıñ esas ğayesi - ukrain halqı içün arhetip olğan simvolik obyektlerni tasvirlep, olarnı analogik yapon obyektlerinen teñeştirtmek, maqsadı - balalarğa olarnı oquycaq em büyüklerni, em de balalarnı meraqlandırmaq, - dep, añlata Mariya Ruban. - Böyleliknen, saifeniñ bir tarafından, bizde meselâ, samıray tasvirlengen, başqa, - kazak; yapon ibadethanesi - ukrain kilsesi; miso sup - borşç, sakura - künaylan ve ilâhre. Resimler suvlu boyanen sızılğan. Söz sırası, suv boya ressim üslübi adetince yapon resim mektebine aittir”.

Nazirlikten Yaponiya yılınıñ koordinatorı: “Balalar içün bu kitap - bu, grafik menimsev vastasınen ukrainlerni ve yaponlarnı biri-birine daa yaqın yapmaq içün, HSN-niñ daa bir ğayesi. Ümüt etemiz, bizde mında, em de Yaponiyada yaşağan ve Ukraina mevzusında çalışqan yaponiyalılar içün Ukraina aqqında hatıra olacaq”.

 


Cedvel