Facebook Telegram Twitter Instagram YouTUBE


Baş saife  >  Derc  >  İlânlar  >  20 Qış ayı 2017, 11:12

Dekabrniñ 21-de saat 18-de Kiyevdeki Qırım evinde Kremlniñ siyasiy mabuslarına qol tutmaq içün “Ne svoboda slova” adlı tedbir keçirilecek

Tedbirde iştirak etüvge davet etilgenler arasında: Yuriy Stets - Ukraina haber siyaseti Naziri, Mari Yovanoviç - Ukrainada AQŞ Müteşşem ve Vekâletli elçisi; Refat Çubarov - Milliy Meclis reisi; Viktoriya Sümar - Ukraina halq deputatı, söz serbestligi ve haber siyaseti meselelerinden Ukraina Yuqarı Şura Komitetiniñ Başlığı; Mustafa Cemilev - Ukraina halq deputatı, Qırımtatar halqı meselelerinden Ukraina Prezidentiniñ Vekâletlisi; Ahtem Seitaboayev - ukrain aktörı ve rejissörı, “Qırım evi” devlet müissesiniñ müdiri; jurnalistler, uquqqorçalayıcılar ve aktivistler.

Tedbir çerçivesinde Qırımda Rusiye Federatsiyasınen qanunsız maküm etilgen meşur ukrain jurnalisti Mıkola Semenanıñ “Qırım reportajı” 2014-2016 ss. Qırım işğaliniñ hronikaları adlı kitap taqdim etilecek.

Teşkilâtçılar: Ukraina haber siyaseti Nazirligi, “Qırım evi” devlet müissisesi.

Adress: Kıyiv, Mıhayla Ömelyanoviça-Pavlenka, 9.

Qoşma malümat olaraq:

Mıkola Semena, qırım jurnalisti ve publitsisti. 1950 senesi mayısnıñ 14-de Çernigiv vilâyetinde dünyağa keldi. 1976 senesi Kiyev devlet universitetiniñ jurnalistika fakultetini bitirdi. 1982 senesinden başlap Kiyevde yaşay ve çalışa.

Aman-aman yarım asır içinde jurnalistikada o, yünkerden baş muarrir vazifesinece, mühbirden alıpbarıcı ukrain (“Den”, “Dzerkalo tijnâ”) ve rus (“İzvestiya”) neşriyatlarınıñ baqıcısı vazifesinece yolnı keçti. O, Qırımnıñ eñ uzaq köylerinden ve eñ yüksek derecede halqara sammitlerden reportajlarlar yapa edi. O, küçük maqaleçiklerden başlap, büyük mecmualar içün büyükten-büyük analitik maqaleler yaza edi. Fotoresim ustası olıp, bir qaç kitap neşir etti.

Qırım jurnalistikasınıñ ustası, Ukrainada nam qazanğan jurnalist Mıkola Semena onıñ tuvğan Qırımını işğal etken Rusiyede - fakt olaraq cinayetçi dep sayıla. 2016 senesi aprelniñ 19-da Radio Svoboda ve Qırım.Aqiqat müellifi Mıkola Semenanıñ evinde Aqmescitte eFSB hadimleri tıntuv keçirdiler, bundan soñ ise jurnalistniñ orgtehnikasını ve malümat taşıyıcılarını tartıp aldılar. Rusiye akimiyeti Semenanı, 2015 snesi sentâbr ayında Qırım.Aqiqat saytında neşir etkeyen maqalesinde halq ögünde Rusiye territorial bütünligi bozuluvına çağıruvda qabaatladı.

2017 sensi sentâbrniñ 22-de Aqmescitniñ Demiröl rayon mahkemesi Mıkola Semenağa eki yarım yıllıq şartlı müddet belgilep, eki yıl devamında halq ögündeki faaliyetnen, şu sırada jurnalistikanen oğraşmağa yasaq etti.


Cedvel