Facebook Telegram Twitter Instagram YouTUBE


Baş saife  >  Derc  >  Qısqa beyanatlar  >  16 Çiçek ayı 2015, 20:04

Haber siyaseti nazirligi telekommunikatsiya ve bağ saasındaki obyektlerniñ devlet havfsızlığı içün strategik emiyeti olğan obyektlerniñ sırasına qoşuluvı aqta qarar leyhasını işlep çıqardı

Ukraina Haber siyaseti nazirligi Ukraina haber mustaqilligini temin etüvi, şu cümleden, cemiyet içün emiyetli malümatnıñ tarqatuvı meseleleri boyunca olğan vazifelerine köre, Ukraina Nazirler Kabinetiniñ «Ukraina Nazirler Kabinetiniñ 2015 senesi mart 4 künü alınğan №83 qararına deñişüvlerniñ kirsetilmesi aqta» qarar leyhasını azırladı.

Leyhanıñ esas maqsadı – telekommunikatsiya ve bağ saasında strategik emiyeti olğan devlet mülkiyeti obyektleriniñ daimiy energoteminlevi içün şaraitlerniñ teşkil etilmesidir.

«Mart başında Herson ve Nikolev vilâyetlerinde ve aynıñ soñunda Ternopol vilâyetinde yüz bergen vaqialarnıñ ögüni almaq maqsadı ile Nazirlik tarafından Radioyayınlav, radiobağ ve telekorüv kontsern vilâyet stantsiyalarını devlet iqtisadiyatı ve havfsızlığı içün emiyetli olğan devlet mülkiyeti obyektleriniñ sırasına kirsetecek qarar leyhası azırlanıldı. Haber siyaseti nazirliginiñ Ukraina haber havfsızlığını temin etüv programması çerçivesindeki nevbetteki adımıdır», – dey Yurіy Stets.

Hatırlatamız, mart 5 künü RRT Kontsernniñ Luçivsk filialınıñ energoteminlevi toqtatıldı, neticede Herson, Nikolayev vilâyetlerine ve Qırım Muhtar Cumhuriyetine tele ve radio yayınlavı üzüldi.

Bunıñ ile mart 30 künü Ternopol vilâyetinde de qulleniñ elektroteminlevi toqtatıldı, neticede vilâyet sakinleri yerli ve umummilliy kanallarnı baqmaq imkâniyetinden marum qaldı.


Cedvel