Facebook Telegram Twitter Instagram YouTUBE


Baş saife  >  Derc  >  Qısqa beyanatlar  >  15 Çiçek ayı 2015, 15:04

Ukraina Haber siyaseti nazirliginiñ yardımı ile Milliy radioda Sergiy Garmaşnıñ müelliflik programması başlandı

Qırım haber siyaseti boyunca ayrı azırlanğan programma çerçivesinde Haber siyaseti nazirligi Milliy radioda Sergiy Garmaşnıñ «İşğal» serlevalı müelliflik programmasınıñ olmasına qol tutı.

«Haber siyaseti nazirliginde bu kibi ğayeniñ peyda olması – Qırım oğrunda küreşimiz devam etkenini belgiley – pek müimdir. Programmanı Haber siyaseti nazirliginiñ ricası ile göñülli sürette azırlayım»,  – dep añlata programma müellifi Sergiy Garmaş.

Donbass içtimaiy radiosınıñ «İşğal» haber-talil leyhasınıñ maqsadı – Şarqnıñ vaqtınca işğal etilgen territoriyalarında afta devamında yüz bergen esas vaqialarnı aydınlatmaqtır.

«Başta leyhanıñ yayınlavı Qırım ve Ukraina cenübiy-şarqiy vilâyetlerine keçirilmek kerek edi: işğal etilgen Donbass aqqında – işğal etilgen Qırım içün, amma Devlet teleradiokompaniyasınıñ Başı Oleg Nalıvayko ile umumiy toplaşuvda yayınlavnı bütün Ukraina içün keçirmege qarar alındı», – dep qayd ete Yurіy Stets.

Birinci programmanıñ musafiri Qırım jurnalisti, «Donbass haberleriniñ hronikası» leyhasınıñ muarriri İrına Sedova oldı. Leyhanı Ukrainanıñ vaqtınca işğal etilgen territoriyalarında afta devamında olğan vaqialarnıñ muzakeresinden başladılar.

«Şimdi Rusiye shemalarını boza bilecek – Ukraina islâatları ve iqtisadiyatnıñ inkişafı. Şunıñ içün, Rusiye Federatsiyasınıñ esas meselesi – buña yol bermemek», – dedi jurnalist İrına Sedova «İşğal» programmasınıñ birinci efirinde.

Hatırlatamız, yarımadanıñ ukrain informatsion alanına qaytarılması boyunca devlet siyasetini amelge keçirmek içün Ukraina Haber siyaseti nazirligi tarafından Qırım boyunca ayrı programma üzerinde iş alıp barıla.


Cedvel